SSA(ဝမ်ဟိုင်း) အဖွဲ့က ဈေးအတွင်း ဝင်ရောက်ပစ်ခတ်မှုကြောင့် ကလေးငယ်နှစ်ဦး အပါအဝင် အပြစ်မဲ့ပြည်သူ ငါးဦး ဒဏ်ရာရရှိ
17/Aug/2011
E-Mail this article Printable Version
SSA(ဝမ်ဟိုင်း) အဖွဲ့သည် အပြစ်မဲ့ပြည်သူများ သေကြေဒဏ်ရာရ အထိတ်တလန့်ဖြစ်ကာ တည်ငြိမ်အေးချမ်းမှု ပျက်ပြားစေရန် ရည်ရွယ်ချက်ဖြင့် အကြမ်းဖက်လုပ်ရပ်များ၊ အဖျက်လုပ်ရပ်များကို တစိုက်မတ်မတ် လုပ်ဆောင်လျက်ရှိရာ ရှမ်းပြည်နယ် မိုင်းရယ်မြို့နယ် မန်စန့်ကျေးရွာရှိ အဖိတ်ဈေးနေ့ ဈေးအတွင်း ဈေးသွားဈေးလာများ စည်ကားလျက်ရှိနေစဉ် SSA(ဝမ်ဟိုင်း) အဖွဲ့က ဝင်ရောက်ပစ်ခတ်ခဲ့ရာမှ ၄၀ မမ ဗုံးသီးခြောက်လုံး ကျရောက်ပေါက်ကွဲခဲ့မှုကြောင့် ကလေးငယ်နှစ်ဦးဖြစ်သည့် မောင်စိုင်းခမ်းပန်(၆)နှစ်နှင့် မနန်းမွေခေါင်(၁၀)နှစ်တို့ အပါအဝင် မနန်းရွှေစိန်(၂၃)နှစ်၊ ဦးလုံးမောင်(၄၀)နှစ်နှင့် ဦးလုံးစော(၄၀)နှစ်တို့ ငါးဦး ဗုံးစထိမှန်ဒဏ်ရာများ အသီးသီးရရှိခဲ့ပြီး မန်စန့်ကျေးရွာအုပ်ချုပ်ရေးမှူး ဦးစိုင်းအုန်း၏ နေအိမ်မီးလောင် ပျက်စီးခဲ့သည်။ ဒဏ်ရာရရှိသူများအား မိုင်းရယ်ဆေးရုံနှင့် လားရှိုးဆေးရုံတို့သို့ ပို့ဆောင်ကုသပေးလျက်ရှိပြီး တာဝန်ရှိသူများက လိုအပ်သည်များ ကူညီစောင့်ရှောက်ပေးလျက်ရှိကြောင်း ၂၀၁၁ ခုနှစ် သြဂုတ်လ ၁၇ ရက်နေ့ထုတ် မြဝတီ သတင်းစာတွင် ဖော်ပြထားပါသည်။ | 
0 comments:
Post a Comment