[Big Brothers & Sisters] New Doc: ဇီးကွက်တစ်ကောင်၏ အဖော်လုပ်ခြင်း

Rozoner King posted in Big Brothers & Sisters. Rozoner King created the doc: "ဇီးကွက်တစ်ကောင်၏ အဖော်လုပ်ခြင်း" [By ကမ္ဘာ့ ဖျာ]   ညတိုင်းညတိုင်း သူ စောစော အိပ်တတ်တာကို ကျွန်တော်သိနေမိတယ်။   ကျွန်တော် သူကို သတိထားနေမိတာ တော်တော် ကြာပြီ။ အရင်က သူ ဒီအချိန်လောက်ဆို အိပ်ပျော် နေတတ်တာ၊ အခုတော့ ခပ်ကျဲကျဲ မီးရောင်ထဲ သူ့ကို ငုတ်တုတ်မြင်နေခဲ့တာဟာ ဒီတစ်ညတည်း မကတော့။ အရင်ကဆို ကျွန်တော်အတွက် အာရုဏ်တက် (သူ့အတွက်တော့ ညဦးပိုင်း အချိန်တွေပေါ့) ဆိုရင် သူက အိပ်စက်ဖို့ ပြင်ဆင်နေတတ်သူလေ။ ပထမတော့ ကျွန်တော်လည်း သတိမထားမိခဲ့ပါဘူး။ သူ့အခန်းဆီက မီးရောင်က ကျွန်တော် မနက်စာ စားအပြီးလောက်ဆို ပိတ်ပြီး သူ အိပ်စက်နေတတ်ပြီလေ။ အခုတော့ ကျွန်တော် ကိုယ်လက်လှုပ်ရှားမှုပြုတဲ့အချိန်ထိအောင် သူ မအိပ်စက်သေးဘူး။ ဒါအပြင် အရင်က မကြားဖူးတဲ့ သူ့ရဲ့ သက်ပြင်းချသံတွေကိုလည်း ကျွန်တော် အမှတ်မထင်ကြားလာနေရတယ်။ သူ့ကို ကျွန်တော် အရင်ကထက်တော့ ပိုပြီးသတိပြုမိခဲ့ခြင်းရဲ့ အစပေါ့။   သူ့အခန်းက ဒီယူကလစ်ပင်ကြီးရဲ့ ညာဘက်ကိုင်း ခပ်ကြီးကြီးအောက်မှာ ရှိတာမို့ ကျွန်တော် တံခါးဝနဲ့ဆို တန်းကနဲမြင်နိုင်လောက်တဲ့နေရာမှာပေါ့။ အရင်က အဲအခန်းလေးမှာ ဘယ်သူမှ မနေပဲ သော့ခတ်ထားတတ်ပြီး မှောင်အတိကျနေတဲ့ မြင်ကွင်းက ကျွန်တော့်အတွက် အသားကျနေတတ်ခဲ့တာ။ သိပ်မကြာခင်မှာပဲ သူ ဒီအခန်းလေးထဲကို ရောက်လာခဲ့တာ။ အစကတော့ သူရဲ့ နိုးထချိန်၊ လှုပ်ရှားသွားလာချိန်တွေဟာ ကျွန်တော့်ရဲ့ အိပ်စက်ချိန်တွေဖြစ်နေခဲ့တယ်လေ။ ဒါပေမယ့် သူကို ကျွန်တော်သတိထားမိခဲ့တာက ကျွန်တော့် အိမ်သစ်ခေါင်းပေါက်ရဲ့အောက်တည့်တည့်မှာ သူ လာရပ်ပြီး ဖုန်းပြောနေခဲ့တဲ့ တစ်ညပေါ့၊ အဲတုန်းက ဖုန်းထဲက တစ်ဖက်လူကို ပြောပြနေတဲ့ သူ့ရဲ့အသံတွေက တက်ကြွစွာနဲ့ အားအင်တွေပြည့်နေခဲ့တာ။ သူရောက်စမှာ ကြုံတွေ့ရတဲ့အဖြစ်တွေ၊ ဘတ်စ်ကားစီးရတဲ့အကြောင်းတွေ သူ့အရင် ရပ်ရွာနဲ့ ဘယ်လိုဘယ်ဝါကွဲပြား ခြားနားတယ်ဆိုတာတွေကို စိတ်အားထက်သန်စွာနဲ့ ပြောပြနေခဲ့တာ အတိုင်းသားပဲ ကျွန်တော်ကြားနေခဲ့ ရတယ်။   "အမေ ... သားနေတဲ့နေရာကတော့ သိပ်တော့အဆင်မပြေဘူးအမေ၊ ဒါပေမယ့် ခံနိုင်ရည်ရှိပါတယ်၊ အခုတော့ ခေါ်သမျှ အလုပ်တွေကိုတော့ အကုန်တော့ လိုက်တင်နေတယ်အမေ၊ ဒါပေမယ့် ဒီနေရာက အင်တာနက်မရဘူး၊ သားမြို့ထဲအထိသွားပြီး တင်နေရတယ်၊ အော် ... ဟုတ် ... အမေ အမေပေးတဲ့စားစရာတွေ ကျန်သေးတယ် အမေရ၊ မကုန်သေးဘူး၊ ဟုတ် ... အဆင်ပြေပါတယ်အမေရာ၊ သူငယ်ချင်းတွေလည်း ကူညီကြပါတယ်၊ သားဖုန်းကဒ်ကုန်တော့မယ် အမေ ... နောက်တစ်ရက်နှစ်ရက်ဆိုသားပြန်ဆက်လိုက်ဦးမယ်နော်၊ ဟို ... ဟို အတိုးကိစ္စလား ... မပူပါနဲ့ အမေ... အဆင်ပြေသွားမှာပါ "   ကျွန်တော် အစာရှာပြီး အိပ်တန်းဝင်ဖို့ပြန်လာတိုင်း ဘေးလွယ်ဘတ်အိတ်ကလေးကို လွယ်၊ ဖိုင်တစ်ထပ်ထည့်ထားတဲ့ ဖိုင်ဟိုလ်ဒါလေးကို ကိုင်ပြီး သူတက်ကြွတဲ့ ခြေလှမ်းတွေနဲ့ ထွက်သွားတတ်သူလေ။ သူကတော့ ကျွန်တော့်ကို သတိမပြုမိပေမယ့် ကျွန်တော်ကတော့ သူ့မျက်ဝန်းထဲက မျှော်လင့်ခြင်းအရိပ်အယောင်တွေမြင်မိပြီးကတည်းက သူ မျှော်လင့်ယုံကြည်ချက်တစ်ခုအတွက် ဒီအခန်းလေးထဲကို အခြေချလာသူ တစ်ယောက်လို့ မှတ်ချက်ချမိခဲ့တယ်။ ခြေလှမ်းကျဲကျဲတွေနဲ့ လှမ်းထွက်သွားတဲ့ သူ့နောက်ကျောကို လှမ်းကြည့်မိတိုင်း သူရဲ့ တက်ကြွမှုဟာ ကျွန်တော်ဆီကိုပါ မြဲကူးစက်လာတတ်တာမို့ ကျွန်တော် တော်တော်နဲ့ အိပ်မရတတ်ဘူး။ တက်ကြွသူတစ်ယောက်ရဲ့ မျှော်လင့်ချက်အိပ်မက်တွေဟာ ဘယ်လိုများပါလိမ့်၊ ဆက်မတွေးတော့ပဲ ကျွန်တော်အိပ်စက်ပစ်ခဲ့တာ။   တစ်နေ့ကပေါ့ ... ကျွန်တော်မနက်ခင်းတစ်ခုလုံးက အေးစက်လို့ အိပ်ယာထက်က ထရမှာကို ပျင်းနေမိခဲ့တယ်၊ အသံတစ်ခု ဆူဆူညံညံကြားလို့ အာရုံစိုက်မိတဲ့အခါ သူ့အသံဆိုတာကို သိလိုက်ရတော့ စိတ်လှုပ်ရှားသွားမိတယ်၊ နားစွင့်လိုက်မိတယ်လေ။ ကျွန်တော့် ယူကလစ်အိမ်ရဲ့ အောက်မှာ ထုံးစံအတိုင်း သူဖုန်းလာပြောနေတာ။ အသေအချာပါပဲ ဟုတ်တယ်။ အာရုံစိုက်လိုက်မိတယ်။ အခုရက်ပိုင်းတွေမှာ သူ့ကို ကျွန်တော် သတိမမူမိတာကို ပြန်ပြီးတွေးမိလိုက်တဲ့အခါ အဲဒီ့စိတ်က ကျွန်တော့်ရဲ့ သိချင်စိတ်ကိုပိုပြင်းပြအောင် ဆွလိုက်သလို ဖြစ်လာတယ်။ သူကတော့ ကျွန်တော် အကဲခတ်နေတာ မသိပဲ ယူကလစ်ပင်စည်ကို လက်ထောက်ပြီး တစ်ဖက်ကလူကို ပြောပြနေလေရဲ့။   " အေးကွာ ... ငါလည်း Try နေတာပဲ၊ နေ့တိုင်းထွက်တဲ့ သတင်းစာတွေနဲ့ စနေ၊ တနင်္ဂနွေထွက်တာတွေလည်း ဖတ်တယ်၊ ဖုန်းနံပါတ်ကြည့်တယ်၊ ဖုန်းဆက်ပြီး အီးမေလ်းတောင်းတယ်၊ ရရင်တင်တယ်။ အခုထိ နှစ်ပတ်ကျော်လာပြီ၊ ဘာမှ Reply မလာသေးဘူး၊ ငါရတဲ့ တစ်ခုကလည်း မလွယ်ဘူး၊ သွားရတာလည်း အဝေးကြီးကွာ ... ငါ့မှာ လမ်းမှားလို့ Taxi တောင် ငှားပြီး သွားရတယ်၊ ဟိုရောက်တော့ လူတွေက အစုံပဲ ... ငါလည်း စိတ်ရှည်လက်ရှည်နဲ့ စောင့်ပြီးမှ ငါ့အလှည့်လည်း ကျရော သူတို့ကမေးတယ်လေ မင်းက xx လားတဲ့၊ ဒါဆိုမရဘူး ... အခုခေါ်တာက xx တွေပဲ ခေါ်တာတဲ့ ငါလည်း မောပြီး စိတ်ဓါတ်တောင် တော်တော်ကျသွားတယ်၊ အေးပါ ငါ ကြိုမေးပါတယ်ကွ၊ လာခဲ့ဆိုလို့သွားတာ ... ဟုတ်တယ် ... ငါလည်း အဲဒါပဲ စဉ်းစားနေတာ ... အေးဂျင့်ပဲ အပ်လိုက်ရင် ကောင်းမလား ... အခုက ရထားခနဲ့ အင်တာနက်ခတွေက ငါ့ကို တအားထောင်းနေတယ် ... "   တစ်ဖက်လူကို ပြောပြနေတဲ့ သူ့အသံက အားမလို အားမရဖြစ်တဲ့အသံ ဆိုတာ ကျွန်တော် သတိထားမိတယ်၊ သူ့မျက်နှာကလည်း ခပ်နွမ်းနွမ်း ရှိနေပြီး ဆေးကျွတ်စပြုနေတဲ့ အ၀တ်တစ်ထည်လို သူ့မျက်ဝန်းတွေက ခပ်မှိန်မှိန်လေးဖြစ်နေတယ်လေ။ ၀န်ထုပ် တစ်ခုကို ထမ်းပိုးထားသလို စိတ်ဖိစီးမှု တစ်ခုကို သူ ထမ်းထားရတယ်ဆိုတာကို ကျွန်တော် ရိပ်မိလိုက်သလိုပဲ။ ဦးခေါင်းကို မသိမသာ ယမ်းလိုက်ပြီး ငိုက်စိုက်ချလို့ အခန်းလေးထဲဝင်သွားတဲ့ သူ့ ဟန်ပန်ကို မြင်လိုက်မိတော့ ကျွန်တော်လည်း အမှတ်မထင် သက်ပြင်းတစ်ခုကို မှုတ်ထုတ်လိုက်မိတယ်။ အဲနေ့ဟာ သူ့အခန်းလေးထဲက မီးကျဲကျဲလေးပိတ်သွားတာ နောက်ကျလာနေတဲ့ သုံးရက်မြောက် ည တစ်ညမှန်း ကျွန်တော် တွက်ကြည့်လိုက်မိတယ်။ အစာရှာဖို့ တောင်ပံတွေဖြန်ပြီး ပျံသန်းလာခဲ့ပေမယ့် ကျွန်တော့် အတွေးထဲကို သူရဲ့ စကားသံတွေနဲ့ ဟန်ပန်ခပ်နွမ်းနွမ်းတွေက လိုက်ပါလာနေတုန်းပဲ။ သူရောက်ခါစက အမူအယာတွေနဲ့ အခု ညနေက ကျွန်တော်တွေ့လိုက်ရတဲ့ သူ့ဟန်ပန်တွေကို ပြန်နှိုင်းယှဉ်မိရင်း ... အိုး ...။ ကျွန်တော် ဆက် မစဉ်းစားတော့ဘူး။ ခပ်လှမ်းလှမ်းမြေပြင်မှာ ပြူတစ်ပြူတစ်လုပ်နေတဲ့ ကြွက်တစ်ကောင်ကို မြင်အပြီးမှာတော့ ကျွန်တော့ ခေါင်းထဲက သူထွက်သွားတော့တယ်။   သူငယ်ချင်းဒီးဒုတ်တစ်ကောင်နဲ့ စကားကောင်းခဲ့လို့ အိပ်တန်းအပြန်နောက်ကျခဲ့တာ။ အပြန်လမ်းမှာ သူနဲ့ မတိုးမိတော့ဘူးလေ။ တင်းတင်းစေ့ပိတ်ထားတဲ့ သူ့ရဲ့ အခန်းပြူတင်းပေါက်ကလေးကပဲ ကျွန်တော့်ကို ကြိုဆိုနေခဲ့တယ်။ ကျွန်တော်အိပ်စက်ဖို့ပြင်ဆင် လိုက်ပြီး အိပ်ယာမ၀င်ခင် သူအခန်းလေးဘက်ကို ငဲ့ပြီး ကြည့်လိုက်မိသေးတယ်။ စိတ်ထဲကလည်း ဘာရယ်မသိ။ သူစိတ်မှာ ခံစားနေရတာတွေကို ကျွန်တော် မသိပေမယ့် သူ့ကို အဲလိုမခံစားစေချင်မိတာကတော့ ထူးဆန်းတဲ့ဖြစ်ရပ်တစ်ခုလိုပါပဲ။ ကျွန်တော် အိပ်ပျော်သွားတဲ့ အချိန်လောက်မှာ သူ မျှော်လင့်ချက်တွေအတွက် ကွန်ပျူတာတစ်လုံးရှေ့မှာ သူ ငုတ်တုတ်ထိုင်ပြီး တကုပ်ကုပ်နဲ့လုပ်နေလေမလား၊ သူနဲ့ ဘာမှသွေးမတော်သားမစပ်တဲ့ ကော်လာဖြူလူတွေနဲ့ အခြေအတင်မေးခွန်းတွေကို ရင်ခုန်သံတဒိန်းဒိန်းနဲ့ တုံ့ပြန်ဖြေကြားနေမလား၊ အပြုံးပီပီသသနဲ့ သူပြန်ထွက်လာနိုင်မလား၊ မျက်စိပျက်မျက်နှာပျက်နဲ့ သူခေါင်းငိုက်စိုက်ထွက်လာမလား၊ သတင်းစာရွက်အကြီးကြီးတွေကြား ထဲမှာ သူခေါင်းမြုတ်အောင် အလုပ်ရှုပ်နေမလား။ ကျွန်တော် နိုးထလာရင်တော့ ကျွန်တော် သိမှာပါ။ သူ အိပ်ဦးမှာ မဟုတ်သေးဘူးလေ။ မီးရောင်ကျဲကျဲလေးထဲ သူငုတ်တုတ်ကလေးထိုင်နေပုံကို ကျွန်တော် မြင်မိရင် အားတွေယုတ်လျော့သွားသလို ခံစားမိနေတာကတော့ တော်တော်ဆိုးဝါးတဲ့ ခံစားချက်တခုလို ဖြစ်လာနေတယ်။   သူ့ဘ၀နဲ့ ကျွန်တော့်ဘ၀ကို နှိုင်းယှဉ်ကြည့်နေမိတယ်၊ ဟိုးအရင်က လူတစ်ယောက်ရဲ့ဘ၀နဲ့ ကျွန်တော့်ဘ၀ကို အခုလိုနှိုင်းယှဉ်ကြည့်မိမယ်လို့ လက်တွေ့နှိုင်းယှဉ်ဖို့ ဆိုတာမပြောနဲ့ စိတ်ကူးထဲမှာတောင် ထည့် မစဉ်းစားမိဘူး။ ကျွန်တော်လည်း အစာရှာချိန်ဆိုရင် အစာရှာဖွေတာ၊ သူလည်း ရှာဖွေနေသူတစ်ယောက်၊ ကျွန်တော် သိတယ်။ တစ်ခါတစ်ခါ ညမှောင်မှောင်ထဲကို ပျံသန်းရင်း မြင်နေရတဲ့ မြင်ကွင်းထဲ ၀င်လာတဲ့ ကြွက်လို၊ ပိုးကောင်လို အကောင်တွေမြင်မိရင် ကျွန်တော် ထိုးဆင်းသွားခဲ့တာ၊ သူလည်း ထိုးဆင်းသွားခဲ့ဖူးတာပဲ၊ ကျွန်တော်သိတယ်။ ကြွက်တစ်ကောင်ကို ကျွန်တော် မိရင် ကျွန်တော်ခြေချောင်းတွေနဲ့ မြဲမြဲ ကုတ်ထားဖို့ ကျွန်တော် အသိနဲ့ အတွေ့အကြုံတွေက တာဝန်ယူတယ်။ သူရော ... သူ့အသိနဲ့ အတွေ့အကြုံတွေက မြဲမြဲ ကုတ်ထားဖို့ တာဝန်ယူနေမှာလား။ ကျွန်တော် အစာတစ်နပ်ကို ကျွန်တော် အကြိမ်ပေါင်းများစွာ ဆုံးရှုံးခဲ့ဖူးတယ်၊ သူလည်း သူ့အစာကို ဆုံးရှုံးဖူးမှာလား ... သိချင်နေတယ်။ ကျွန်တော် အစာမရတဲ့နေ့ ၀မ်းဟောင်းလောင်းနဲ့ အိပ်တန်းပျံရတဲ့စိတ်ကို ကျွန်တော်သိတယ်။ အလူးအလဲပါပဲ။ ဒါပေမယ့် ကျွန်တော် ခံနိုင်ရည် ရှိတယ်။ သူ ... သူ ခံနိုင်ရည် ရှိပါ့မလား။ အိုး ... စိုးရိမ်မှုတွေကြောင့် တောင်ပံကို ခတ်ပြင်းပြင်းခတ်လိုက်တဲ့အခါ လေထုအပေါ်ကို ကျွန်တော် ၀ဲ တက်သွားတယ်။ စိတ်မပူနဲ့။ သူလည်း စိုးရိမ်မှုတွေကြောင့် တောင်ပံတွေကို ပြင်းပြင်းခတ်ပါလိမ့်မယ်။   ကောင်းကင်ပြင်ထက်မှာ လှပလင်းလက်နေတဲ့လမင်းပြည့်ဝိုင်းဝိုင်းကြီးကို မြင်တဲ့အခါ ကျွန်တော်ရဲ့ စိတ်အားတက်ကြွလာခဲ့တယ်၊ အိပ်ယာကို သပ်သပ်ရပ်ရပ် ခေါက်တင်လိုက်တယ်၊ တဂွီဂွီမြည်လာတဲ့ ဗိုက်ကို အသာပွတ်ပြီး ဒီနေ့တော့ ခပ်စောစော အစာရှာထွက်မှလို့ ကိုယ့်ကိုကိုယ်ပြောနေမိတယ်။ ရုတ်ကနဲ သင်းလာတဲ့ လေပြေမှာ ယိုးဒယားခေါက်ဆွဲပြုတ်နံကို ထောင်းကနဲရလိုက်တော့ သူ ပြန်ရောက်နေပြီဆိုတာ ချက်ချင်းပဲ ကျွန်တော်သိလိုက်တယ်။ ဗိုက်ထဲက ဆာတာကိုမေ့သွားပြီး သူအကြောင်းကို စဉ်းစားမိလို့ အခန်းဝကို ပြေးပြီး မီးကျဲကျဲအခန်းလေးကို လှမ်းကြည့်လိုက်မိတယ်။ အခန်းကျဉ်းလေးရဲ့ ထောင့်တစ်နေရာမှာ တည်ထားတဲ့ တရုတ်လုပ်ရေနွေးအိုးကလေးတစ်လုံးရဲ့ ဘေးမှာ သူက ဇွန်းလေးတစ်ချောင်းနဲ့ ခေါက်ဆွဲပြုတ်အကျက်ကို စောင့်နေလေရဲ့။ ခပ်ဟဟ စေ့ထားတဲ့ပြူတင်းတံခါးတွေနဲ့ လိပ်တင်ထားတဲ့ ခန်းစီး ခပ်နွမ်းနွမ်းတွေကို ကျော်ပြီး သူ့ဘေးမှာ ချထားတဲ့ နိုကီယာဖုန်းအစုတ်လေးကို လှမ်းမြင်နေရတယ်။ ကျွန်တော်တောင် သူ့ဖုန်းကလေးဆီက မြည်လာမယ့် အသံလေးကို နားစွင့်နေမိပါကလား။ ကျွန်တော် အစာရှာထွက်တဲ့အခါတိုင်းမှာလည်း ကြွက်တစ်ကောင်ရဲ့ခပ်စူးစူးအော်သံကို နားတစွင့်စွင့်နဲ့ ရှိခဲ့သေးတာပဲ မဟုတ်လား။   ဒီခေါက်ဆွဲပြုတ်ကျက်တဲ့အခါ သူတစ်ယောက်တည်း တိတ်တိတ်ဆိတ်ဆိတ်စားနေမယ်၊ ပြီးတဲ့အခါ ပြူတင်းတံခါးလေးဘက်ကို ရီဝေမှုန်မှိုင်းတဲ့အကြည့်ငေးငေးတွေနဲ့ ငိုင်တွေနေမယ့် သူ့မျက်ဝန်းတွေနဲ့ ရင်မဆိုင်ရခင်မှာ ကျွန်တော် အစာရှာထွက်မှဖြစ်တော့မယ်။ အဲအကြည့်တွေနဲ့ ရင်ဆိုင်မိတိုင်း ကျွန်တော်တောင် အားငယ်သိမ်ငယ်မိလို့ အစာရှာပျက်ခဲ့ရတဲ့ ရက်တွေ များစ ပြုလာနေပြီမဟုတ်လား ... ။ ရုတ်ကနဲ တောင်ပံကို ဆန့်ပြီး ပျံထွက်လိုက်တော့ ယူကလစ်ကိုင်းတွေ တဆတ်ဆတ်နဲ့လှုပ်ခါ ကျန်ခဲ့တယ်။ တွေးလိုက်မိသေးတယ်။ သူ အစာရှာဖို့ထွက်ခွာလာစဉ်ကရော သူ့ရဲ့ ယူကလစ်ကိုင်းတွေ အခုလိုလှုပ်ခါခဲ့သေးသလား။ ကျွန်တော် ဆက်မတွေးတော့ပဲ လေထုထဲကိုပဲ ပျံဝဲလိုက်တော့တယ်။ ကျွန်တော့်အတွက် မှောင်နေတဲ့ မြင်ကွင်းဟာ ရှင်းလင်းပြတ်သားနေပေမယ့် သူ့အတွက်တော့ မှောင်နေမှာပါ။   ထူးဆန်းတယ်။ ကျွန်တော် အိပ်တန်းတက်ဖို့ပြန်လာတဲ့အခါ သူ ကျွန်တော်ယူကလစ်ပင်အောက်မှာ ဖုန်းပြောနေခဲ့တယ်။ ကျွန်တော်ရင်တွေလည်း တဒိတ်ဒိတ်ခုန်နေပြီးတော့ ယူကလစ်ကိုင်းတစ်ကိုင်းကို အလျင်စလို နားလိုက်မိတယ်။ ဟန်ချက်ပျက်သွားလို့ ယူကလစ်ကိုင်းချင်း ထိခိုက်မိတဲ့အသံကြောင့် သူ ကျွန်တော့်ကို လှမ်းကြည့်တယ်။ ကျွန်တော်ကတော့ ဟန်ချက်ပျက်ခြင်းကို အာရုံမထားနိုင်ပဲ သူပြောနေမယ့်စကားသံကိုပဲ နားစွင့်နေမိတော့တယ်။ အဲအချိန်မှာတော့ သူ့အာရုံက ဖုန်းထဲက တစ်ဖက်လူကို ပြန်ကျရောက်သွားပြီလေ။   " အမေ ... ဘာမှမဟုတ်ပါဘူး ... ဇီးကွက်တစ်ကောင် အိပ်တန်းပြန်တာပါ ... သားအတွက်စိတ်မပူပါနဲ့ အမေ၊ သားပြန်လာရလည်း ဘာဖြစ်လည်း ... ဟုတ်ကဲ့ သားစိတ်ဓါတ်မကျပါဘူး၊ ကိုယ့်အရည်အချင်းကို ကိုယ်ယုံကြည်လို့ သားထွက်လာခဲ့တာပဲ မဟုတ်လား၊ ကံကြမ္မာဆိုတာကတော့ သားမမြင်နိုင်ပါဘူး။ ယောက်ကျားတို့ဇွဲသေခါမှ လျော့တဲ့အမေ ... စကားရှိတယ်မဟုတ်လား ... သားက ယောက်ကျားတစ်ယောက်ပါ... ဒီလောက်လေးနဲ့တော့ စိတ်ဓါတ်မကျပါဘူး အခု သားဒီနေ့ သက်တမ်း ထပ်တိုးဖို့ သူတို့ အလုပ်သမားရုံးကို ထပ်သွားရမယ်၊ သား အတွက်ဆုတောင်းပေးနော် ... အမေလည်း ကျန်းမာရေးဂရုစိုက်နော် ... ဘာမှ စိတ်မပူနဲ့ .. အငယ်မက ဒီလကုန်ဘွဲ့ယူမယ်မဟုတ်လား ... သူ စိတ်တိုင်းကျလုပ်ပေးနော် အမေ ညီမလေး အားမငယ်ပါစေနဲ့ ... အကြောင်းထူးရင်းသား ချက်ချင်းဖုန်းဆက်လိုက်မယ် ... ဟုတ် ... ဒါပဲနော် အမေ ... ဟုတ် ... ဟုတ် ... ဟုတ်ကဲ့ ဒါပဲနော် ... ဟုတ် ... ဒါပဲနော် အမေ "   ကျွန်တော့်ရင်ထဲမှာ ဒိုင်းကနဲ ဖြစ်သွားမိတယ်။ ကျွန်တော့်ကို မြင်လိုက်ပြီး ဖုန်းထဲက တစ်ဖက်လူကိုတောင် ကျွန်တော့်ဟန်ချက်အပျက်ကို သူကလှမ်း ပြောပြနေလိုက်သေးတယ်။ သူ့အပေါ်မှာ ကျွန်တော် အရိပ်တကြည့်ကြည့်နဲ့ အကဲခတ်နေတာ ရိပ်မိသွားမလားရယ်လို့ စိုးရိမ်နေမိသလား။ ကျွန်တော် အိပ်တန်းမ၀င်ခင်မှာ အစာရှာလို့ရလာတဲ့ ကြွက်တစ်ကောင်ကို ကျွန်တော် သူ့ကို ပေးချင်နေမိတာ။ သူ ပြောနေတဲ့အချိန်တုန်းက မျက်ဝန်းတွေကို သတိထားကြည့်မိနေတာ ကျွန်တော့် မသိစိတ်ကြောင့်လား။ မှိုင်းတိုင်းတိုင်းမျက်ဝန်းတွေမှာ ယီးလေးခိုစွဲနေတဲ့ မာန်တစ်ချို့ဟာ သူပြောတဲ့ ယောက်ကျားတို့ရဲ့ ဇွဲလား ။ လှုပ်ရှားသွားတဲ့ ကျွန်တော့်စိတ်တွေကို ပုံမှန်ပြန်ရောက်ဖို့ အသက်ကို ခပ်ပြင်းပြင်း ရှုခဲ့လိုက်ရတာတော့ သေချာတယ်။ ခြေလှမ်းကျဲကျဲတွေက အရင်ကလောက် မသွက်လက်တော့တာကို ကျွန်တော် ထပ်သတိထားမိနေပြန်တယ်။ ဟုတ်တယ်။ ကျွန်တော်လည်း အစာမရလာတဲ့ ရက်တွေဆို တောင်ပံခတ်သံတွေတောင် မမှန်ချင်တော့ဘူးလေ။ ကျွန်တော့်ရဲ့ ဒီညကို ဘယ်လို ကျော်ဖြတ်ရမလဲ။ နောက်နေ့ အိပ်တန်းထရင် သူပြန်လာမယ့်အချိန်ကို အချိန်မှီထပြီး ကြည့်ရမယ်လို့ တွေးနေမိတယ်။ သူရဲ့ ခပ်ဟဟ ပြူတင်းတံခါးလေးက သူ့မျက်ဝန်းတွေမှာ မြင်ရမယ့် အရိပ်အယောင်ဟာ ... ဘာလဲ ... ။ အခု ကျွန်တော်ရှာလာတဲ့ ကျွန်တော့်အစာကြွက်ကလေးကို သူ့ကို ပေးချင်နေမိတဲ့ စိတ်ကို အဓိပ္ပါယ်ဖွင့်ခွင့် ပေးပါ။   ကျွန်တော်ပျံသန်းနေရာကနေ ဂရုတစိုက်နဲ့ မြေပြင်ကို လှမ်းကြည့်နေမိတယ်၊ ဟော ... ကြွက်တစ်ကောင် မြေကြီးထဲကနေ လှစ်ကနဲ ပြေးထွက်လာနေတာ ... တဟုန်ထိုး ထိုးဆင်းသွားလိုက်တယ်၊ သုတ်မယ်အလုပ်မှာ ရှုးဆိုတဲ့ အသံကို ကြားမိတော့ ကျွန်တော့ အစာကြွက်ကလေးကို မြွေဟောက်တစ်ကောင်ရဲ့ ပါးပျဉ်းထဲမှာ။ အိုး ... အရှိန်ကို သတ်လိုက်ပေမယ့် ဘယ်လိုမှ ထိန်းမရတော့ဘူး မြေပြင်ပေါ်ကို လိမ့်ကနဲ ဖြစ်သွားတယ်။ မြွေဟောက်ကတော့ အောင်နိုင်သူ အပြုံးနဲ့ ကျွန်တော့်ကို မထီမဲ့မြင် လှမ်းကြည့်တယ်။ ကျွန်တော်ခံပြင်းစွာနဲ့ စူးကနဲ တစ်ချက်အော်ဟစ်လိုက်တယ်။ ချွေးစေးတွေ ရွှဲနေတဲ့ ကျွန်တော့် အိပ်ယာက ငေါက်ကနဲ ထထိုင်မိလိုက်တော့တာ။ ရင်တွေကလည်း တဒိတ်ဒိတ်နဲ့ သွေးကြောတွေထဲမှာ တိုးဝင်နေတဲ့ အလျဉ်တွေကိုတောင် သတိထားမိနေတယ်။ အိပ်မက်ဆိုး။ ဒါဟာ အိပ်မက်ဆိုးနဲ့ နိုးထမှု။ တစ်ပြိုင်တည်း ခံစားနေရတာက ဆုံးရှုံးမှု။ အိုး ... ။ ခါးသီးလိုက်တာ။ သူမျက်နှာ ခပ်ညိုးညိုးဟာ ကွက်ကနဲ အာရုံထဲ ပေါ်လာတယ်။ ဟုတ်တယ်။ ဒီအချိန်သူ ပြန်ရောက်နေလောက်ပြီ ... ။ အခုထိ မြွေဟောက်ရဲ့ အပြုံး ခပ်စိမ်းစိမ်းက အာရုံထဲမှာ စွဲရရွဲ ... သွား ...စမ်း .... ကွာ။   "တောက် ... သူငယ်ချင်းရာ ... ဒုတိယအဆင့်ထိပါပြီးမှကွာ ... နာတယ်၊ တကယ်ဆို ငါ သူတို့နဲ့ ပခုံးချင်းယှဉ်နိုင်တယ်ဟေ့ကောင်၊ သူတို့လိုချင်တဲ့ အတိုင်းအတာနဲ့ ငါ လုပ်ပြနိုင်တာတောင်ပိုသေးတယ်၊ ငါ့ ရင်တွေလည်း တဒိတ်ဒိတ်နဲ့ တုန်နေခဲ့တာ၊ ငါ ရင်ဆိုင်နေရတာ သူတို့တွေနဲ့ ယှဉ်ပြီး ရင်ဆိုင်နေရတာ၊ မင်းလည်း အသိပဲ။ အခုချိန်ဆိုပိုဆိုးနေတာ။ နောက်ဆုံးတော့ ... တောက် ... ငါက visit နဲ့မို့လို့တဲ့ နို့မဟုတ်ရင် ရမှာပါတဲ့ ... အေး ဘယ်သူကို့ခန့်လိုက်သလဲဆိုတော့ ... သူတို့လူမျိုးတွေ ပဲပေါ့ ... ဒါတောင့် ငါ့မာနတွေ ကို ဟိုး အ၀ီစိမှာ ချပြီး နင်းထားတာ၊ ... ဟေ့ကောင် ငါမေးမယ်ကွာ ပညာရဲရင့်ပွဲလယ်တင့်ဆိုတာ ... ဒီနေရာ၊ ဒီအရပ်မှာ သက်ရောက်မှုရှိသေးရဲ့လား ... ဟင် ပြောစမ်းပါ ... ပြောစမ်းပါ .. ခံပြင်းလိုက်တာ...ကွာ"   ယူကလစ်ပင်ရဲ့ ပင်စည်တွေကို လက်သီးတထိုးထိုးနဲ့ သူ။ မြွေဟောက်တစ်ကောင်ရဲ့ အကြောင်းကို ကျွန်တော်သိလိုက်သလို သူလည်း သိလိုက်ရပြီလား။ ကျွန်တော်မှာ တောင်ပံတစ်စုံရှိလို့ ကောင်းကင်ထဲ ၀င်ချင်တိုင်း ၀ဲပျံနိုင်ပေမယ့် တစ်ခါတစ်ခါ ခြေမပါလက်မပါ တောင်ပံတွေ မပါတဲ့ မြွေတစ်ကောင်ကို အရေးနိမ့်လိုက်ရတာပါပဲ။ ဟုတ်တယ် ဒါဟာ ခံပြင်းစရာတရပ်။ ဒီအချိန်မှာ ကျွန်တော် ရုတ်ကနဲ ထပျံလိုက်ရမလား။ အဲလို ထပျံလိုက်လို့ သူမော့ကြည့်ရင် သူမျက်ဝန်းတွေမှာ မြင်နေရတဲ့ စိတ်အချဉ်ပေါက်မှုတွေကို ကျွန်တော် မြင်မှာ။ ကျွန်တော် မပျံတော့ဘူး။ မလိုအပ်ဘူးလေ။ သူရင်ထဲမှာ ခံစားနေရတာကို ကျွန်တော်သိပြီးသားပဲ။ ကျွန်တော် မျက်ဝန်းတွေ ကျွန်တော် ပြန်ကြည့်လိုက်ရင် အတိုင်းသားပဲ။ ကြွက်တစ်ကောင်ဆုံးရှုံးမှုမှာ ပေးဆပ်လိုက်ရတာတွေက ကျွန်တော့်အတွက် တစ်နပ်စာပဲ ရှိနေခဲ့တာ မဟုတ်လား ....။ တန်ဖိုးချင်း ယှဉ်ကြည့်ရင် ကျွန်တော်က ကောင်းကင်မှာ ၀ဲနိုင်၊ အမှောင်ထုကို ခွင်းနိုင်တယ် ဒါပေမယ့် ....။ ကျွန်တော် စူးကနဲ တစ်ချက်အော်ပြီး ပျံလိုက်ပေမယ့် သူ့မျက်ဝန်းတွေကို တော့ ရင်မဆိုင်နိုင်တော့တာ အမှန်ပါပဲ။   အဲဒီ့ညက အခန်းကျဉ်းကလေးထဲမှာ မီးဝါကျဲကျဲလေးက မှိန်တောက်နေခဲ့တယ်။ ဒီအချိန်ဆို ကျွန်တော် အဖော်တွေ မျှော်နေလောက်ရောပေါ့။ ကျွန်တော့် အကြည့်တွေက အခန်းလေးရဲ့ ပြူတင်းတံခါးလေးကိုပဲ ငေးကြည့်နေမိတာ။ ကျွန်တော် သူ့အခန်းလေးဆီကိုပဲ မျှော်ကြည့်နေခဲ့မိတာ။ အဲဒီ့ အခန်းမီးကလေး မှိန်ကျသွားမှာကို ကြောက်နေခဲ့တာ။ ကဲ စဉ်းစားကြည့်စမ်း။ အလင်းကို ကြောက်တဲ့ ကျွန်တော်က အဲအခန်းလေးထဲက မီးကလေးမှိန်သွားမှာကို ကြောက်နေသတဲ့လား။ အဲအခန်းလေးမှာ ဒီညမီးကျဲကျဲလေး မှိန်ကျသွားခဲ့ရင် ကျွန်တော် နောက်နောင် ဒီမီးရောင်လေးကို မြင်တွေ့နိုင်ခွင့်က .... စိတ်ထဲက သိနေမိတာ။ ကျွန်တော့ စိတ်ထဲက သိနေမိတာ။ ကျွန်တော် အိပ်တန်းပြန်ခဲ့ပေါင်း များပြီ။ အကြိမ်ကြိမ်အခါခါ ပြန်တဲ့ အိပ်တန်းတွေဟာ အစာရှာရာကနေ ခံစားမှု အမျိုးမျိုးနဲ့ ပျံသန်းခဲ့ရတာ။ ရင်အစုံဟာ နာနေတယ်။ အစာလု တိုက်ပွဲတွေ၊ အစာလုစစ်ပွဲတွေ၊ အစာအတွက် ကျွန်တော် ဖျတ်လတ်ခဲ့တာတွေ။ အစီအရီ ... တကွက်နဲ့ တကွက် အနှေးပြကွက်များလို။ အစာရှာအထွက်မှာ တက်ကြွတဲ့ တောင်ပံခတ်သံတွေ တဖြောင်းဖြောင်းနေ့တွေ၊ အစာအတွက် တဟုန်ထိုး ထိုးစိုက်ဆင်းခဲ့ပုံတွေ။ သားကောင်ကို ရဲရဲဝံ့ဝံ့ သုတ်ချီပြီး ပြန်အတက်မှာ မာန်စိတ်ခပ်ကြွကြွနဲ့ လောကကြီးကို တောင်ပံခတ်သံတွေနဲ့ ဆူညံဖုံးလွမ်းပစ်ခဲ့တာ။ အခုချိန်မှာတော့ အခန်းလေးရဲ့ မီးရောင်လေး ဟုတ်ကနဲ ငြိမ်းသွားမှာကို ကမ္ဘာပျက်မှာထက် စိုးကြောက်နေမိတာ ဟောဒီက ကျွန်တော်ပဲလား။   တကယ်တော့ ကျွန်တော်သူ့ကို သတိထားမိတာ တော်တော်ကြာခဲ့ပြီ။ သူရဲ့ဘ၀နဲ့ ကျွန်တော့်ဘ၀က လာတူညီနေမယ်လို့ ကျွန်တော်မပြောနဲ့ တစ်လောကလုံးကတောင် တွေးမိရဲမှာ မဟုတ်သလို တွေးမိတဲ့သူဟာလည်း သူနဲ့ ကျွန်တော်နဲ့ အဖြစ်ကို သိတဲ့သူပဲဖြစ်လိမ့်မယ်။ အခုဆို အခန်းကလေးရဲ့ အ၀ါကျဲကျဲမီးလုံးကလေးက မှိန်ပြပြလင်းနေတုန်းပဲလေ။ အဲမီးကလေး မှိန်သွားရင် ကျွန်တော့် ယူကလစ်ပင်တစ်ပင်လုံး တုန်ဆတ်ခါရမ်းနေမှာ သိပ်သေချာတယ်။ ဖြစ်နိုင်ရင် ဒီအကြောင်းနဲ့ ပတ်သက်ပြီး ဘာမှ ကျွန်တော်ဆက်မတွေးချင်တော့ဘူး။ ဒါပေမယ့် ဒီအခန်းလေးထဲကိုပဲ မမှိတ်မသုန်နဲ့ စူးစိုက်ပြီး ဆက်ကြည့်နေမိတော့တယ်။ ပိတ်ထားတဲ့ ပြူတင်းတံခါးလေးနဲ့ ကွယ်ထားတဲ့ ခပ်ညစ်ညစ်ခန်းစီးနောက်က ရှိနေမယ့် သူ့ရဲ့ မျက်ဝန်းတွေ ပိတ်တော့မှာလား။ ကျွန်တော် ညက တစ်ညလုံး မအိပ်စက်ရသေးဘူး။ ကျွန်တော့်ရဲ့ ကြောင်တောင်တောင်ဖြစ်နေမယ့် မျက်ဝန်းတွေက အခန်းလေးဆီကို မျှော်ကြည့်လို့။ အခွင့်အရေးရရင် သူ့ရဲ့ မြဲမြဲကုတ်စွဲထားမယ့် ခြေချောင်းတွေကို ကျွန်တော် သွားရောက်စစ်ဆေးပေးချင်တယ်။ မြွေဟောက်တစ်ကောင်ရဲ့ အပြုံးကို ရင်ဆိုင်နိုင်ဖို့ သူမှာ အင်အားရှိရဲ့လား မသိဘူး။ ကြွက်တစ်ကောင်ရတဲ့ အထိမ်းအမှတ်ကို ခမ်းခမ်းနားနား ဆင်ယင်ကျင်းပခွင့်ရဖို့ ကျွန်တော် သူ့ကို လှမ်းခေါ်မယ်။ မီးကို မပိတ်ပစ်လိုက်နဲ့။ အသံကုန်ဟစ်ပြီး ကြုံးအော်လိုက်တဲ့အခါ ... ကျွန်တော့် အဖော်တွေများ ကြားလေရော့မလား။   မင်းတို့ ငါ့ကို မစောင့်နဲ့တော့...။ ငါ ... ငါ .... ငါ အစာရှာမထွက်တော့ဘူး။   တအံတသြနဲ့ မမေးနဲ့.... မမေးကြနဲ့။   အိပ်တန်းမပြန်ချင်လို့ပဲ။   .... ...... ...... .... ...... ...... .... ...... ......     အိပ်မက်ရှင် (6 December 2008 တုန်းက blog မှာ တင်ဖူးတဲ့ ပိုစ့်လေးပါ၊ Facebook မှာ တစ်ခါ တင်ဖူးပါတယ်၊ Note အဟောင်းတွေကို ပြန်သွားတာ မရလို့၊ Note အသစ်သဘောမျိုးနဲ့ ပြန် တင်လိုက်ပါတယ်) View Doc View Post on Facebook · Edit Email Settings · Reply to this email to add a comment.